2014年4月25日 星期五

初拍雀鳥







香港雖然是個彈丸之地,
但在本港看到的鳥類也有四百多種,
且時有新品種雀鳥到訪,令鳥攝時有驚喜,
不過雀鳥較諸蝴蝶更加怕人,
要拍攝雀鳥的特寫,就非用長焦距不可 …

然而,我擁有的只是一部普通的數碼機,
只能找些較易拍的雀鳥如天鵝和鴿類 …




影呢隻黑白天鵝都算係無乜難度嘅 ,同佢拍大特寫就難啲 …


九龍公園啲紅鶴,恬靜閑逸,姿態優美,
但對於我部機嚟講距離太遠囉,
去到盡,就係咁…



背住隻白鴿近距離影,掂 !
哎呀!佢感覺到有人喺佢背後呀!
嘻嘻,佢擰得個頭嚟,我都影咗 lu,拜拜!



呢隻麻雀仔肥嘟嘟,踎咗喺度好耐,
佢有佢恰眼瞓,我有我攞啱角度影佢,合作愉快!


隻灰鴿,唔靚,勝在識擺鋪士,仲任我影添!




呢對灰鴿,形影不離,動作一至,好鬼趣緻 …




當然我拍的都是極普通的雀鳥相片,
不過喺捕捉及拍雀鳥過程中頗有樂趣!
可惜沒有長焦距,難拍到在水中央的雀鳥們 …

所以明白鳥攝者願花那麼多錢購買鳥攝器材,
肩負沉重器材攀山涉水,
拍出一些稀有雀鳥的動靜態之美照,
箇中滿足難以言喻 …

但要拍出一幅幅高質素的相片,
相信除了用「貴、重、大」,的鳥攝裝備,
還要配合強健體魄及高技巧攝影才可成事啊!